Një atentat i mirëorganizuar për larjen e hesapeve për çështje droge ka ndodhur në Itali. Viktimë ka mbetur shqiptari, Ervin Karafili, 34 vjeçar, banues në Caldiero.
Mediat italiane shkruajnë se shqiptari ishte i njohur por policinë, për të cilin mendonin se ishte një shpërndarë i nivelit të ulët. Ai u ekzekutua në një parking përballë një ferme në Corte Casalino.
Dinamika e ekzekutimit
Vrasësi duket se ka planifikuar gjithçka. Siç shkruajnë mediat italiane, Ervini ishte “shoqëruar” në vendin e ngjarjes dhe më pas u vra. Ai u qëllua në distancë të afërt, çka do të thotë se vrasja ishte e planifikuar. Disa plumba u qëlluan në drejtim të tij, por ai që ishte fatal ishte një në sqetullën e djathtë që i depërtoi në mushkëri, duke bërë që gjaku t’i dilte nga goja.
Trupi, u gjet rreth orës 12.45, në anën e pasagjerit të një Volkswagen Passat, i pa regjistruar. Mes një pishine gjaku, një grua nga zona kërkoi ndihmën e vajzës së saj mjeke për ta ringjallur, por më kot.
Nga imazhet e kamerave tregohet ardhje e vazhdueshme e makinave para ekzekutimit. Karafili jetonte në Caldiero, ai ishte i martuar dhe baba i dy fëmijëve.
Dy persona të ndaluar
Karabinierët filluan menjëherë hetimet. Në vend mbërritën hetuesit nga Legnago. Dy persona u gjurmuan dhe u shoqëruan në orët e vona të pasdites. Ata dyshohet se mund të kenë qenë të pranishëm në momentin e vrasjes.
Hipoteza kryesore është se bëhet fjalë për një krim të lidhur me drogën dhe në këtë mënyrë po hetohen kontaktet e 34 vjeçarit, për të kuptuar nëse viktima ishte tërhequr në pritë për shkak të borxheve apo ishte një shitje e përfunduar në mënyrë tragjike./Panorama
g.kosovari
