Ish- deputeti i PD-së, Ilir Rusmajli, i cili qëndron pas draftit të ekspertëve të Ministrisë së Drejtësis për reformën në drejtësi, nuk është një personazh i panjohur për skenën politike shqiptare. Me ardhjen e Ylli Manjanit (LSI) në krye të Ministrinë e Drejtësisë, Rusmajli u emërua si ekspert ligjor.
Por ai ka qenë për shumë vite me rradhë jo vetëm një eksponent shumë i rëndëishëm i PD-së, duke pasur pozicionin e kreut të departamentit të ligjeve në PD, por edhe deputet i kësaj force politike për 2 legjislatura, duke qenë edhe kryetar i komisionit të ligjeve në Kuvend gjatë kohës që PD ishte në pushtet.
Ai erdhi në postin e kryetarit të komision it të ligjeve, pas shkarkimit që PD-ja i bëri avokat, Spartak Ngjelës, në vitin 2007, si kreu i këtij komisioni. Pozicioni më i lartë i Ilir Rusmajlit ka qenë ai i ministrit të Drejtësisë gjatë kohës që kryeministër ishte z. Berisha.
Ai dha dorëheqjen nga ky post, pasi u publikua një përgjim në të cilin rezultonin të përfshirë familjarë të tij, për favore në tendera që vareshin nga firma e Rusmajlit. Rebelimi i Rusmajlit ndaj Berishës startoi pasi nuk u përfshi në listën e PD-së për deputet në zgjedhjet e vitit 2013.
Ai ka profil juridik dhe në jo pak raste ai mban firmën për disa reforma si në planin e reformës zgjedhore, por edhe kushtetuese. Praktikisht ai ka mbrojtur me punën e tij interesat e PD-së, duke qenë se ishte dhe një figurë qëndrore politike e kësaj partie.
Por kjo duket se është vetëm njëra anë e medaljes. Në fakt ka qenë vetë Rusmajli arkitekti i ndryshimeve kushtetuese të 21 prillit 2008, që detyroi, Ilir Metën, të hynte në grevë urie në Kuvend. Rusdmajli ishte një nga protagonistët e mbrojtjes së këtyre ndryshimeve, gjë që çoi dhe Metën e deputetët e tjerë të LSI-së të hynin në grevë urie në sallën e Kuvendit.
Pozicioni i tij politik si përfaqësues i PD-së ka qenë mjaft i nënvizuar po të kihet parasysh edhe mënyra e drejtimit të komisionit parlamentar të ligjeve ku përfaqësuesit e PS në opozitë përgjatë qeverisjes së PD-së, trajtoheshin deri dhe pa etikë. Me këtë sfond të theksuar politik të Rusmajlit, është e diskutueshme dhe besueshmëria e propozimeve të bëra nga ekspertët e ministrisë së Drejtësisë. Gjithsesi, duket se drafti i tij, mësë shumti, harmonizon interesat e PD-së dhe LSI-së për reformën në drejtësi.
