Kryeministri Edi Rama i është përgjigjur reagimeve të opozitës pas vendimit të ish-ministrit të Brendshëm Saimir Tahiri për dorëheqje nga posti i deputetit, për të qenë para drejtësisë si një qytetar i thjeshtë siç tha ai.
Përmes një reagimi në rrjetet sociale, Rama shpreh habi lidhur me deklaratat nga opozita.
Më pas, kreu i ekzekutivit vijon me një tjetër postim ku paralajmëron arrestime të rëndësishme të kriminelëve gjatë javëve në vijim. Kjo, duke iu referuar arrestimit të Arbër Çekajt, të akuzuar për kokainën e Maminasit.
Statusi:
“Ç’është kjo opozitë pikë e vrer pas largimit të ST e arrestimit të kokave të trafikut të kokainës në Gjermani & Spanjë falë bashkëpunimit tonë ndërkombëtar?
Sa gjynah më vjen për ata që ende u besojnë këtyre vulëhumburve pa atdhe.
Po duan s’duan këta Shqipërinë do ta bëjmë.
Dhe nuk ka mbaruar jo, të tjera do pasojnë në javët që vijnë e jo se e kërkon Gjermania a bota, po se ne themi atë që bëjmë e bëjmë atë që themi!
E jemi ne e askush tjetër që mund ta kalojë detin që ndan të thënat nga të bërat, sado baltë të na hedhin dhe zjarre marazi të ndezin” – thotë Rama.
/b.d
