Në takimin e zhvilluar mes Kryeministrit të Kosovës, Albin Kurti dhe atij në detyrë të Malit të Zi, Dritan Abzoviç.
Gjatë këtij takimi është nënshkruar marrëveshja për shërbime ajrore mes Kosovës dhe Malit të Zi.
Kryeministri Kurti pas nënshkrimit tha se kjo marrëveshje ofron mundësi të reja të zhvillimit të aviacionit civil.
“Marrëveshja që e nënshkruam sot ofron mundësi të reja të zhvillimit të aviacionit civil, mundëson shkurtimin e rrugëve ajrore e të kohës së fluturimit për 15 minuta”, është shprehur ai.
Kryeministri i Malit të Zi, Abazoviç tha se Kosova dhe Mali i Zi janë duke dhënë shembull rajonal se si duhet të bashkëpunohet.
“Falenderoj kryeministrin e Kosovës, Albin Kurtin, për një mikpritje të jashtëzakonshme. Jam mëse i bindur se Mali i Zi dhe Kosova janë duke dhënë shembull rajonal se si duhet të bashkëpunohet “Fokusi jonë edhe sot në takim ka qenë në atë se cili është standardi jetësor i popullit edhe të Kosovës edhe i Malit të Zi dhe mendoj se jemi në një rrugë të duhur të zhvillojmë disa projekte të cilat unë i kisha quajtur për Mal të Zi historike e kanë të bëjnë me infrastrukturën. Kam qejf të theksoj se ajo çka ishte ideja jonë ishte që të krijojmë një akses më të lehtë për qytetarët e dy vendeve”, u shpreh Abazoviç.
/s.f
