Një ngjarje e rëndë kriminale ka ndodhur në fshatin Gallatë të rrethit Kurbin ku është vrarë me armë zjarri një person.
Viktimë e krimit ka mbetur shtetasi Mark Ndreca 50-vjeç. Sipas policisë i dyshuar për këtë krim është 69-vjeçari Tom Lala, i cili është shpallur në kërkim dhe po punohet për kapjen e tij.
Ngjarja e rëndë ka ndodhur rreth orës 15.00. Nuk dihen ende motivet e krimit të rëndë. Policia ka sekustruar provat materiale në vendngjarje dhe po punon për zbardhjen e rrethanave të plota të ngjarjes. Raportohet se janë marrë në pyetje disa persona që kanë dijeni për krimin e rëndë. Paraprakisht bëhet me dije se pista kryesore e hetimit është ajo e një konflikti pronësie midis viktimës dhe autorit.
Njoftimi paraprak i policisë:
Informacion paraprak
Me date 02.04.2016, është njoftuar se rreth orës 15:00, në fshatin Gallatë – Kurbin, ka ndodhur një vrasje me armë zjarri.
Menjëherë në vendngjarje kanë mbërritur forcat policore të cilët kanë konstatuar se është vrarë me armë zjarri shtetasi:
– Mark Ndreca, 50 vjeç , banues në Gallatë – Kurbin
Grupi hetimor ka bërë të mundur identifikimin e autorit të dyshuar shtetasit:
– Tom Lala, 69 vjeç , banues në Gallatë – Kurbin
Shërbimet policore po zhvillojnë kërkimet për të bërë të mundur kapjen e tij.
Vazhdojnë veprimet hetimore për zbardhjen e plotë të ngjarjes.
Në përfundim informacion i plotë.
