Kryetari i Grupit të Partisë Socialiste Taulant Balla i ëhstë përgjigjur akzuave të opozitës lidhur me projektin për teatrin. Ai ka ironizuar protestën e një dite më parë ku u shfaqën së bashku kreu i PD Lulzim Basha dhe ish-deputeti i PS Koço Kokëdhima.
“Lulëzimi burrëri nuk paska të përballet një herë të vetme për këtë projektligj e bashkë me vete na kishte marë edhe koço Kokëdhimën se ne u paskemi hapur luftë shqiptarëve, e ata do udhëheqin rezistencën. Në fakt tek i shihja bashkë Lulin e Koçon, dhe me zonjën Vokshi, mendoja se mos Koço ka ende në kokë atë idenë e kultivimit të kanabisit në fushat djerrë. Ndërkohë zonjës Vokshi i them se nuk ka rezerva nafte poshtë tokës tënde”, deklaroi Balla.
Ai nuk ka kursyer ironitë as ndaj deputetit Strazimiri dhe ish-presidentit Bujar Nishani, kur kujrtoi protestat që bëheshin për këndin e lodrave te liqeni.
“Teksa pashë një foto të Strazimirit që protestonte te teatri, pashë se ishte pa pisqollë, se ai me pisqollë shkon kur proteston kundër këndeve të lodrave. U bashkua dhe “Jari” jo “Yaris”, por “Jari”, ish-presidenti”, vijoi kreu i grupit të PS.
Balla u ndal edhe tek projektligji për teatrin teksa tha se gjithçka është bërë me transparencë.
“Pas moralit që sapo dëgjuam (i referohet fjalës së Kryemadhit), për transparencë të gjithë atyre shiqptarëve, sot Kuvendi nuk miraton ndërtimi ne një teatri të ri, sot si rrallë herë autorizon procedurën për negociimin dhe lidhjen e kontratës. Objekti është projektimi dhe realizimi. Nuk është ky më parlamenti që vuloste kontratat që bënte ai zotëria atje dhe i sillte për vulë në parlament. Projektligji që ne votojmë sot i jep fund spekulimeve, gjithë baltës.”, tha Balla./a.m.
