Kreu i qeverisë, Edi Rama, teksa u bëri thirrje emigrantëve për t’u kthyer në Shqipëri për të investuar në atdhe, u shpreh Shqipëria nuk është zi, por shtoi se “jemi komplet vend tjetër”.
Rama, në podkastin “Flasim”, theksoi se kur korrupsioni luftohet realisht “perceptimi për një periudhë të caktuar kohe rëndohet”.
“Korrupsioni fillon dhe ekspozohet, kthehet në një temë që ndikon në perceptim”, u shpreh Kryeministri.
Kreu i qeverisë tha se Shqipëria është sot e gatshme për të pritur shumë më tepër emigrantë mbrapsht.
Ndërsa shtoi se “kush nuk provon është e sigurt që nuk realizon, atë që do të donte”.
“Kush nuk provon është e sigurt që nuk realizon, atë që do të donte. Kush provon edhe mund të dështojë, por them që Shqipëria është sot e gatshme për të pritur shumë më tepër emigrantë mbrapsht dhe nuk është Shqipëria ajo që duket nga TV, ku 90% të kohës dëgjon vetëm zi.
Këtë javë kemi diskutuar pse kur korrupsioni fillon luftohet realisht perceptimi për një periudhë të caktuar kohe rëndohet sepse fillon dhe ekspozohet, kthehet në një temë që ndikon në perceptim. Ndërkohë që jemi komplet një vend tjetër”, tha Rama.
