Ju mund të betoheni që partneri juaj nuk ju tradhëton? 29 vjeçari Guy i cili mendohet të jetë nga SHBA, shkroi në blogun e një faqeje ku tregoi se ish e dashura e tij Hadd e kishte mashtruar atë.
Ai tregoi edhe shenjat paralajmëruese të tradhëtisë të cilat ishin; lënia pas dore, harrimi i datave, përdorimi i celularit më shumë sesa herët e tjera , kërkojnë të dinë se rreth cilës orë do të ktheheni në shtëpi si dhe humbja e interesit për marrëdhënie seksuale. Blogeri i cili e përshkruan veten si një “mendimtar praktik”dhe një qënie njerëzore pragmatike”, ka sqaruar se edhe pse nuk ishte martuar, ai kishte jetuar me ish të dashurën e tij duke bërë jetën e një çifti të vërtetë dhe duke përmbushur detyrat bashkëshortore.
Kështu, ky person zemërthyer ka ndarë me të tjerët këshillat e tij ku iu tregon nëse partneri juaj është duke iu tradhëtuar. “Unë nuk jam cinik, e kam kuptuar se shumë gjëra filluan të mos ecnin mes nesh. Jam paksa skeptik dhe gjitmonë i analizoj situatat”. Kështu, ai rreshtoi listën e shenjave paralajmëruese të tradhëtisë. Të qënit më pak i interesuar për seks, ishte në krye të listës.
Shenja të tjera janë: kur partneri juaj është harraq dhe kërkon të dijë shpesh se kur do të kthehesh në shtëpi. Ai gjithashtu pohoi se ish e dashura e tij filloi ta përdorte shumë telefonin. Guy vazhdoi të shpjegoje se e kishte kuptuar kurthin e saj. “Një ditë qëllimisht fillova të diskutoj me të për të parë se deri ku do e çonte ajo diskutimin. Kishim grindje verbale dhe kjo e bëri atë që të shkonte drejt tij. E ndoqa makinën e saj dhe prita pak jashtë. E telefonova për ta pyetur se ku ndodhej dhe më tha se ishte te mamaja e saj. Aty e vërtetova tradhëtinë”, tha Guy.
