Dario Doka, make up artisti i njohur, i cili ka shprehur hapur preferencën e tij për meshkujt ka qenë i ftuar ditën e sotme në emisionin “Rudina” ku dhe ka ndarë disa detaje nga jeta e tij personale.
Sevim Arbana: Fëmijët e vegjël, prindërit i dallojnë qëkur ato kanë preferenca, veshje…
Lindita Pano: Fëmijët kur janë të vegjël eksperimentojnë.
Dario Doka: Unë kur isha fëmijë luaja me kukulla. Mami më thoshte nuk është mirë. Kur u rrita më tha që duhet të marrësh një gocë. Shoqëria nuk të bën gay, nuk është rrugë e keqe sepse lind i tillë.
Lindita Pano: Është një trend në Amerikë tani që vajzat kërkojnë të bëhen çuna dhe një shkrimate e quan një epidemi në masë.
Rudina Magjistari: Pse vajzat ankohen se sot ka pak djemë për të krijuar lidhje?
Sevim Arbana: Kjo nuk ka lidhje fare me gay-t. Kemi një process tjetër të shoqërisë. Në moshën 30 vjeç, sot është normale edhe të martohesh e lindësh edhe pas të 40-ave. Unë mendoj se Dorina e ka futur në mënyrë metaforike sepse nuk bëhesh dot gay, është natyrale.
Dario Doka: Ne nuk presim të na suportoni nëse nuk keni dëshirë. Presim të mos na gjykoni, burra ka plot për të tërë.
Altin Hazizaj: Mesazhi im është për të gjithë njerëzit, vishuni si të ju dojë qejfi. Veshja ka të bëjë me artin e shpirtit dhe të syrit dhe nuk ka të bëjë fare me orientimin seksual. Le të jetojmë në një botë ku të gjithë vishen si të duan, mjafton të jenë higjenik. Në shoqëri kaq të mbyllura, veshja akoma vazhdon të konsiderohet pjesë e orinetimit sekusal. Të gjithë këto zinxhirë injorantë. Njerëzimi ka plot probleme.
Lindita Pano: Nëse ne rrisim djemtë me idenë që jeta nuk është e vështirë, atëherë do të kemi meshkuj me përgjegjësi.
Sevim Arbana: Le të dashurojnë kë të duan. Ne si shoqëri dhe njerëz duhet t’u japim mundësi të barabarta të gjithëve. Duhet të jemi tolerantë dhe të dashur, kur flasim për gjëra që kanë të bëjnë me dashurinë dhe familjen, duhet të dëgjojmë në katër anët.
