Nga Ardit Rada
Presidenti Ilir Meta e ka prishur ‘paqen’ që u duk se vendosi një ditë më parë me Kuvendin, teksa dekretoi dy ligje të tij. Ditën e sotme, kreu i Shtetit e ka futur në ngërç plotësimin e Gjykatës Kushtetuese, ku përmes një letre i kërkon kryeparlamentarit Gramoz Ruçi që të pezullojë procesin e zgjedhjes së anëtarëve. E thënë shkurtimisht, pas dekretimit të Besnik Muçit, Meta nuk e ka ushtruar të drejtën për të zgjedhur anëtarin e dytë të Gjykatës Kushtetuese duke futur në qorrsokak procesin.
Por çfarë ka ndodhur realisht? Në një intervistë ekskluzive për “JavaNews” ish-Kryetari i Komisionit për Reformën në Drejtësi, Fatmir Xhafaj, bëri një “skaner” të hollësishëm për tre kandidatet për anëtare të Gjykatës Kushtetuese. Xhafaj e paralajmëroi në fakt ngërçin që mund të prodhonte Presidenti duke kthyer mbrapsht listën e dytë të KED.
Duke komentuar një rast të mundshëm, ai u shpreh se Meta do të shkelte hapur nenin 124 të Kushtetutës dhe ligjin përkatës të Gjykatës Kushtetuese (nenin 7b, pika 4) në të cilën shprehet qartë detyrimi i organit për t’u shprehur brenda një afati 30 ditor.
“Ky detyrim mbizotëron mbi çdo interpretim tjetër. Parashikimi i radhës së ndjekjes në Kushtetutë për secilin organ, fillimisht ka si qëllim përcaktimin e vendit vakant që do të zëvendësohet prej tij, me qëllim ruajtjen në vijimësi të radhës së emërimeve për realizimin e rotacionit të rregullt– u shpreh Xhafaj pak ditë më parë për “JavaNews”.
Ish-kreu i Komisionit të Reformës, e ka cilësuar këtë hap të Metës si të pakuptimtë. Sipas tij, Kushtetuta është e qartë dhe nuk ka vend për interpretime të ndryshme.
“Shpresoj që të sillen në mënyrë të përgjegjshme me Kushtetutën dhe ligjin. Ndryshe, nuk kanë qëllim krijimin e shpejtë të Gjykatës Kushtetuese por pengimin e saj” – tha Xhafaj për “JavaNews”.
Por në paralajmërimin e tij, ai komentoi edhe zgjidhjen ligjore të rastit.
“Presidenti dhe Kuvendi kanë një afat 30 ditor për t’u shprehur. Nëse nuk shprehen brenda këtij afati, Kushtetuta dhe ligji e kanë dhënë edhe zgjidhjen. Automatikisht këto organe humbasin të drejtën e emërimit të kandidatit përkatës dhe fitues shpallet kandidati i renditur i pari në listën e KED” – tha Xhafaj pak ditë më parë.
Sot, me sa duket, Ilir Meta bëri lëvizjen e tij të fundit jo për të përmbushur një detyrim kushtetues dhe për të shpëtuar demokracinë sikurse e proklamon…
