Supermodelja shqiptare, Emine Çunmulaj, ka dalë me burrin e saj në një mbrëmje për t’u argëtuar në një nga lokalet e Los Anxhelosit.
Siç mund të shohim nga fotografia që ajo ka postuar në Instagram, në shoqëri me ta ishte edhe ish-futbollisti i njohur David Beckham.
Por, ajo çfarë është interesante në këtë postim, është mbishkrimi në fotografi, transmeton Koha.net. “Kur ata flasin për futboll dhe ju nuk keni asgjë për të thënë”, ka shkruar bukuroshja në mbishkrim.
Me këtë mbishkrim, ajo na lë që të kuptojmë se nuk ka edhe shumë dijeni në lidhje me këtë sport të pëlqyer botërisht.
Çunmulaj është e martuar me biznesmenin e njohur iranian Sam Nazarian, pronar i “SBE Entertainment Group”, dhe së bashku kanë një vajzë të vogël disa muajsh, e cila quhet Ella Faria.
Bukuroshes nuk i mungojnë postimet në Instagram dhe Facebook të jetës së saj shumë të lumtur me bashkëshortin dhe bukuroshen e vogël, Ella Faria.
