Dy persona janë arrestuar pasi kanë kundërshtuar me dhunë punonjësit e policisë. Ngjarja ka ndodhur në qytetin Ulëz ku për pasojë janë arrestuar Martin Rica, 57 vjeç dhe nipi e tij Gjok Rica 22 vjeç.
Më datë 02.10.2016, rreth orës 16.30, shërbimet e policisë të Komisariatit të Policisë Mat pas një njoftimi të marrë se në qytetin Ulëz, tek një lokal, dy shtetas po konfliktohen me pronarët e lokalit duke sjellë shqetësime në lokal edhe për klientët, menjëherë kanë shkuar në vendngjarje.
Punonjësit e policisë pasi kanë ndërhyrë për të parandaluar përshkallëzimin e konfliktit, i’u kanë komunikuar dy shtetaseve të cilët po konfliktoheshin me pronarët e lokalit, se duhet të shoqëroheshin në komisariat.
Martin Rica në bashkëpunim me Gjok Ricën i kanë kundërshtuar me dhunë punonjësit e policisë për të mos lejuar shoqërimin e tyre, por ata kanë bërë të mundur shoqërimin e këtyre dy personave në Komisariatin e Policisë Mat.
Sipas policisë dy të arrestuarit kishin precedentë të mëparshëm penalë. Martin Rica lindur e banues në fshatin Bushkash rezulton i dënuar 3 herë më parë, për veprat penale të “ Vjedhjes” dhe të “Plagosjes së rëndë me dashje “, ndërsa Gjok Rica, lindur e banues në Sanxhak Bashkia Laç ka qenë i dënuar më parë për veprën penale të “Vjedhjes me armë”.
shqiptarja.com/d.i.
