Boksieri britanik i peshës së rëndë, Tyson Fury, insiston se boksi ka problem jashtëzakonisht të madh me dopingun. Fury 27-vjeçar, këtë të shtunë do të boksojë për titullin e botës kundër Ëladimir Klitschkos, në meçin që do të zhvillohet në Gjermani. Ai thotë se tashmë sporti, të cilit i takon ai, është i stërmbushur me boksierë që përdorin doping për të qenë të suksesshëm, shkruan “Koha Ditore”.
“Boksi ka probleme të mëdha me dopingun, por kjo nuk më shqetëson aspak mua, për shkak se e di shumë mirë që do të dal i pastër në çdo test”, është shprehur Fury. “Ka shumë boksierë që përdorin doping dhe të gjithë ata i njoh në shikim të parë. Megjithatë, ky nuk është problemi im, por jam i shqetësuar për të ardhmen e këtij sporti”.
Një gjë të tillë nuk e pranon edhe Bordi që kontrollon Federatën Britanike të Boksit. Sekretari i përgjithshëm, Robert Smith, insiston se të gjithë në Federatë janë kundër përdorimit të dopingut dhe nuk pajtohet se dopingu është problem i madh në boks.
