Mediat në Rusi shkruajnë sot se Ministria e Jashtme e Rusisë ka dëbuar një diplomat shqiptar.
Sipas Sputnik, dëbimi i diplomatit shqiptar është një përgjigje për Shqipërinë që dëboi pak ditë më parë diplomatin Aleskej Krivoshejev, me arsyetimin se kishte shkelur rregullat e Covid.
Tashmë diplmati shqiptar është shpallur non grata dhe do duhet të largohet brenda 72 orëve. Ndërkohë që mediat në Shqipëri bëjnë me dije se diplomati në fjalë është Jonida Drogu me detyrë sekretare e Ambasadës.
Shkrimi në mediat ruse, Sputnik:
Sipas Ministrisë Ruse të Punëve të Jashtme, dëbimi i një diplomati shqiptar është në përgjigje të Shqipërisë që dëboi një diplomat rus për pretendimin e shkeljes së masave të koronavirusit në 21 janar 2021.
Rusia ka dëbuar një diplomat shqiptar, tha të hënën Ministria e Jashtme ruse. Sipas ministrisë, i dërguari i Shqipërisë në Rusi u thirr në Ministrinë e Jashtme Ruse dhe i tha se një sekretar i ambasadës shqiptare është shpallur persona non grata. Diplomati tani duhet të largohet nga Rusia brenda 72 orësh.
Ministria për Europën dhe Punët e Jashtme e shpalli diplomatin rus Aleskej Krivoshejev person “non grata” më 20 Janar.
/a.r
EMRI + FOTO / Kush është diplomatja shqiptare që u dëbua sot nga Moska
