Nga Flogert Muça/
Nesër është një ditë e rëndësishmë jo vëtëm për Amerikën që shpall Presidentin e ri. Është ditë po aq e rëndësishme për shqiptarët dhe kur them shqiptarët, do të thotë se rekomandimi Komisionit Europian për çeljen e negociatave me Shqipërinë është edhe një sinjal pozitiv për gjithë Ballkanin ku dhe jetojnë shqiptarët.
Sido që të jetë përgjigja për Shqipërinë, që me shumë gjasa dhe sipas burimeve është positive, ka ndodhur një ngjarje politike që qytetarëve ju vlen për zgjedhjet e 2017. Një ngjarje që nuk çudit kërrkënd në fakt, por që do shkonte deri në këtë pikë nuk përllogaritej.
Siç dihet prej ditës së djeshme, PD ka dalë kundër çeljes së negociatave Shqipëri-BE. Madje ka shkuar edhe më tej duke lobuar fort në Bruksel që kjo të mos ndodhë. Madje një hutaq i kuq në Tiranë deklaroi para pak minutash se PD ka fituar, negociata nuk happen këtë vit. Duke shpallur kështu një fitore paraprake siç vetëm PD di të shpallë dhe pse në kahun më të gabuar se kurrë me aspiratat e vendit.
Strategjia e PD ishte e qartë “Pengesa e çdo suksesi të Shqipërisë”. Ajo bëri një betejë 3 vjeçare vetëm duke u kacavjerrë pas kanabisis dhe së fundmi, pas 4 humbjesh në zgjedhje, Basha ka kusht sigurimin e zgjedhjeve të lira e të ndershme. Këto dy kauza të saj PD donte t’i bënte edhe kauza të KE-së. Duke harruar që KE, PE, BE i marrin të dhënat nga stafi i tyre si për drogën, si për zgjedhjet e si për qëndrimet politike të partive për reformat kyçe që integrojnë vendin.
Berisha/Basha kishin padyshim kauza të vdekura dhe pa më të voglin dyshim ekip lobues tërësisht të “vdekur”, shtuar kësaj dhe fakin që më e mira ndër ta, Bregu, pa nga ana tjetër e bregut dhe i tha PO çeljes së negociatave për të ruajtur fundja lëkurën e fytyrës, që kur të zbriste në Rinas të mos e pështynin shqiptarët siç do përshtyjnë fjala bie Aldon apo kuqon (Genc Pollon) i cili ka shpallur që sonte fitoren e PD për moshapjen e negociatave.
Sidoqoftë, në fund të kësaj historie edhe njëherë palët janë të ndara si me thikë. Njëra paë Pro integrimit dhe tjetra kundër tij. Hapur fare. Këtë e thonë sot e gjithë ditën edhe në replika mes tyre liderët politikë, ku kreu i PD duket sikur i ka dhënë llogarinë e e Facebook-ut doktorit e shkruan ai ç’i vjen për mbarë. E në fund të kësaj historie të gjithë e dinë se shqiptarët që gjykojnë, që sot e kanë ndarë mirë edhe votën, edhe mendjen për të pështyrë kë, por më kryesorja, kanë ndarë njëherë e mirë mendjen se PD nuk mund të meritojë kurrësesi të dalësh për të në protëstë. E kundërta do të ishte dhe është e vërtetë. Një protestë kundër partisë që pengon reformën në drejtësi, që e ka shkërthyer sistemin deri dje, sot është hapur fare edhe kundër integrimit të vendit në BE.
Sot PD jo vetëm që ka rrëzuar kauzën dhe strategjinë e saj politike për protesta popullore, por i ka kthyer të gjithë kundër saj, duke u kthyer nga protestues në subjekt ndaj të cilit protestohet. Sepse siç shkruante në Facebook edhe prof. Përparim Kabo “Në Konferecën e Paqes së Parisit 1919, pa çka se kishte shumë delegacione shqiptarësh që se takonin njëri tjetrin, të gjithë ishin për një çështje, njohjen e Shqipërisë. Po kështu mendonte edhe Imzot Bumçi, ndërsa pinjolli i kësaj familje të nderuar, sot po thuaj pas 100 vitesh flet si para 500 e ca vjetëve, ku disa princa ishin me osmanët kundra Skënderbeut dhe ca me perëndimin e Skënderbeun! Mjerim, sa poshtë ka rrënë dinjiteti. BE flet për Çamërinë, yzmeqarët shkojnë e thonë të kundërtën.” /Lexo.al
