(E Përditësuar) – Kryetarët e katër partive kryesore në Maqedoni kanë arritur në një marrëveshje. Çështja e saj është diskutuar gjatë paradites së sotme mes çifteve Thaçi-Ahmeti dhe Gruevski-Zaev.
Mësohet se marrëveshja në parim flet për vazhdimin e politikës në rrugën e dialogut.
Ajo është firmosur nga kryetarët e VRMNO/DPMNE, BDI, PDSH dhe LSDM.
Në përmbajtjen e saj thuhet se kjo marrëveshje vjen pas një jave të vështirë për shtetin. Gjithashtu partitë në fjalë kanë theksuar se dënojnë ushtrimin e dhunës, por pa përcaktuar se dhunën e kujt dhe kush dhe si duhet hetuar për rastin “Kumanova”.
***
Kumanova digjet, Ahmet dhe Thaçi “krihen” / VIDEO
E ndërkohë që nuk i vizituan qytetarëve e Kumanovës në terren dhe as ndërhynë për një armëpushim të mundshëm, Ali Ahmeti i BDI dhe Menduh Thaçi i PDSH janë parë ditën e sotme duke pirë kafe në ambientet e lokalit të parlamentit të Maqedonisë.
Pak metra larg tyre kanë qenë edhe kryeministri Nikol Gruevski me kundërshtarin e tij të LSDM, Zoran Zaev.
Nuk dihet tema e bisedimeve mes dy çifteve të kundërshtarëve, por mediat maqedonase thonë se bëhet fjalë për firmosjen e një deklarate të përbashkët mes të katërt partive kryesore të Maqedonisë, me qëllim shmangien e protestave popullore apo rasteve të tjera të dhunës.
JAVA sjell mëposhtë videot e takimeve të sotme:
