“Kthimi i Metës dhe opozita”, ka qenë tema kryesore e emisionit ‘3D’ në RTSH të drejtuar nga Alban Dudushi, në një përpjekje për të hedhur dritë mbi atë që u quajt një ‘largim enigmatik’ i kreut të Partisë së Lirisë (PL) për më shumë se 10 ditë, në një kohë kur në vend kishte zhvillime dramatike politike.
Të ftuar në studio për të analizuar këto zhvillime si dhe për të analizuar dhe pozicioninim e PL-së në këtë dinamikë zhvillimesh, që lidhen kryesisht me SPAK-un, ishin Plator Nesturi, analist; Ergys Mertiri, analist; Brizida Gjikondi, juriste-aktiviste dhe Pano Soko, analist. Ndërsa në lidhje Skype ishte Saimir Korreshi, deputet i PD-së.
Sipas analistit Plator Nesturi, i cili disa ditë më parë foli për herë të parë në emisionin ‘3D’ për ‘largimin e Metës’, rishfaqja e tij kërkonte edhe përgjigje më të detajuara për të sqaruar pozicionin.
“U shpreh se ka pasur probleme shëndetësore. Partia e tij mund të kishte bërë një deklaratë, sepse ai është figurë e rëndësishme politike. U aludua në media se ka ikur për shkak të SPAK-ut. Kemi të bëjmë tashmë dhe me një pozicionim të PL-së në kushtet e reja”, tha Nesturi.
Sipas tij, pavarësisht se Meta thotë se nuk ka gjë që e ndan me Berishën, në fakt ai tashmë po le të hapur çdo mundësi për të bashkëpunuar edhe me faktorë të tjerë opozitar.
“Kemi të bëjmë një hapje të kujdesshme të PL-së. Tha javë më parë se koalicioni e përmbyshi misionin. Meta është pragmatist. PL u dëmtua nga dualizimi i problematikave në PD. Nuk është se e rriti rolin e PL-së në zgjedhjet vendore. Këshilltarët nëpër bashki i ka, por nuk janë përcaktues në planin e zgjedhjeve politike. Zëri i Metës ishin dytësor në koalicionin me Berishën. Faktori SPAK është evident tashmë në jetën politike. Secili do të mbajë barrën vetë jo bashkarisht. Askush s’do të mbajë peshën që nuk e ka të vetën.”, tha Nesturi.
/a.r
