Pavarësisht deklaratave të deputetit të Qarkut Shkodër, Tom Doshi për përfundimin e ndërtimit të kullës së heroit Prekë Calit brenda vitit 2018, Bashkia e Malësisë së Madhe nuk do të lejojë ndërtime në këtë zonë pa u sqaruar fillimisht se kush ka të drejtën e pronësisë në këtë ndërtesë. Deklarata ka ardhur kryetari i bashkisë së Malësisë së Madhe Tonin Marinaj gjatë një komunikimi me mediat. Marinaj ka deklaruar se institucioni që përfaqëson është i gatshëm për bashkëpunim por duhen zbatuar ligjet e shtetit shqiptar.
“Unë s’e kam deklaruar ndonjëherë, por më duhet ta them. Në kohën e komunizmit, për fat të keq iu bë postë kufirit, kështu që duhuet të ndrysojë pronësia. Ajo bëhet me një VKM e cila mund t’i kalojë Bashkisë ose nipit të tij. Mund t’i kalojë edhe Ministrisë së Kulturës e pas kësaj bashkia është e gatshme t’i japë zgjidhje. Në këto kushte Bashkia nuk mund të lejojë punimet“, u shpreh Marinaj raporton Shqiptarja.
Nga ana tjetër deputeti Tom Doshi përpara disa ditesh ndërsa vizitoi gërmadhat e shembura nga Inspektoriati Ndërtimor i Bashkisë së Malesisë së Madhe deklaroi se brenda vitit 2018- te kjo kullë do të përfundojë./a.m.
