Kukësi e ka mbyllur 2018 në mënyrën e duhur, teksa në javën e fundit të fazës së dytë, ka mundur 2-0 Kastriotin, duke siguruar vendin e dytë në renditje me 34 pikë. Kështu skuadra verilindore vijon të bëj një sezon të mirë, edhe pse të gjitha ndeshjet i luan larg qytetit verilindor, për shkak të mungesës së stadiumit.
Ndërkohë, sa i përket fazës së dytë, Kukësi mbetet i pathyer në shtatë javët e fundit të saj, teksa kishte regjistruar humbjen e fundit ndaj Flamurtarit më 2 nëntor. Humbja me këtë të fundit ishte dhe humbja e vetme për fazën e dytë të kampionatit, ndërkohë që e ka mbyllur me tre barazime dhe pesë fitore.
Pjesa e parë është mbyllur me rezultatin 2-0 për Kukësin, me ndeshjen e zhvilluar në “Elbasan Arena”, teksa ishte Vesel Limaj që shënoi golin e parë në minutën e dytë të takimit. Futbollisti i verilindorëve ka përfituar nga një rrëmujë në zonë, teksa një top i mbetur aty ekzekutohet në mënyrë perfekte nga Limaj që e dërgon në shtyllën e dytë.
Më pas loja është e gjitha nën kontrollin e Kukësit, ndërsa Kastrioti është i pafuqishëm për të reaguar. Goli i dytë i sfidës do të vinte në minutën e 35 të takimit, nga Reginaldo, i cili shënon me kokë pas një gjuajtje të topit nga goditja e dënimit. Kështu mbyllet pjesa e parë e lojës.
Në fraksionin e dytë të lojës, Kukësi është sërish dominues, ndërsa trajnerët respektiv të të dy ekipeve kryejnë zëvendësimet parkatëse. Por gjërat nuk ndryshojnë, pasi me sigurinë që i japin dy golat, lojtarët verilindor nuk sforcohen pasi sigurojnë fitoren që i bën të mbyllin në mënyrën e duhur fazën e dytë të kampionatit.
Kukësi-Kastrioti 2-0
Limaj 2`, Reginaldo 35`
Kartonët e verdhë:
Maliqi/ Çela
Zëvendësimet:
Kukësi: Rrumbullaku-Maliqi, Kalaja-Ethemi, Spehar-Reginaldo
Kastrioti: Caca-Shehu, Vatnikaj-Ymeri
FORMACIONET:
Kukësi: Frashëri, Maliqi, Shameti, Qaqi, Krasniqi, Shkodra, Limaj, Kordeiro, Çyrbja, Et’hemi, Rexhinaldo.
Trajner. Armando Cungu.
Kastrioti: Puja, Shehu, Çela, Hysein, Marku, Okebuku, Roxher, Shehi, Stijepoviç, Bardhi, Ymeri.
Trajner. Stavri Nica.
(Telesport / a.r)
