Supersfida e javës së 35 në “Superligë” mes Kukësit dhe Skënderbeut që me gjasë do përcaktojë edhe fituesin e titullit kampion për sezonin 2016-2017 do të gjykohet nga arbitra vendas.
Kërkesa e klubit korçar në Federatën Shqiptare të Futbollit është hedhur poshtë nga kjo e fundit e cila nuk dëshiron që kjo të kthehet në modë, raporton “Supersport”. Pak javë më parë një precedent i tillë u regjistrua në sfidën Partizani-Kukësi, por këtë herë kjo kërkesë nuk është pranuar.
Trajneri i Skënderbeu Ilir Daja shpjegoi një ditë më parë se kishte një arsye madhore pse klubi kërkoi gjyqtare të huaj. Ai nuk kishte dyshime në aftësitë e gjyqtarëve shqiptarë, por mendonte se të huajt do të menaxhonin më mirë publikun në Kukës.
Supersfida e javës së 35-të do të luhet ditën e shtunë në orën 17:30 në stadiumin “Zeqir Ymeri” të qytetit të Kukësit./a.ç
