Policia e Kukësit ka arrestuar një 40 vjeçar si dhe ka shpallur në kërkim një tjetër shtetas, të dyshuar për trafikim të lëndëve narkotike.
Efektivët arrestuan Artan Loshin në flagrancë, i cili po transportonte rreth 11 kg lëndë narkotike të llojit kanabis.
Në kërkim është shpallur shtetasi tjetër Z.N., 49 vjeç, banues në Mamurras.
Mbi bazën e informacioneve të marra në rrugë operative se në vendin e quajtur Fush-Dukagjin, Kolsh, shtetasi Artan Loshi do të shiste një sasi lënde narkotike, janë organizuar shërbimet ku u bë e mundur kapja në flagrancë e shtetasit të lartpërmendur i cili kishte 2 thasë lëndë narkotike kanabis, me peshë rreth 11 kg.
Gjithashtu në afërsi të vendit të ngjarjes u konstatua një automjet tip “Benz”, me targa AA 674 AD, në pronësi të shtetasit Z.N., ku gjatë kontrollit të ushtruar në pjesën e bagazhit u gjetën mbetje si ajo e lëndës së dyshuar narkotike.
Policia po punon për kapjen e shtetasit të shpallur në kërkim.
Në cilësinë e provës materiale u sekuestruan rreth 11 kg lëndë narkotike e dyshuar Cannabis Sativa- mjeti tip “Benz”, me targa AA 674 AD.
Materialet në ngarkim të shtetasve të lartë përmendur, i kaluan për veprime të mëtejshme Prokurorisë së Rrethit Gjyqësor Kukës, për veprën penale “Prodhim dhe shitja e narkotikëve, kryer në bashkëpunim”, parashikuar nga nenet 283/2 i K.Penal.
