Policia e Kukësit ka arrestuar dy të rinj, të cilët kishin hyrë në një banesë për të vjedhur. Bëhet fjalë për dy të rinjtë Ardit Hoti, 20 vjeç, banues në fshatin Dobrunë, dhe Emiljan Peca, 18 vjeç, banues në Has.
“Arrestimi i shtetasve u bë pasi në fshatin Helshan, janë futur në banesën e shtetasit Sh.Ç, ku kanë tentuar të vjedhin banesën të cilët sapo janë konstatuar nga pronari banesës, duke përfituar dhe nga errësira janë larguar nga banesa”- njofton policia.
Më të marrë njoftimin Policia ka ngritur postobllok dhe është nisur në vendgjarje ku në oborrin e banesës së shtetasit Sh.Ç, në hangarin ku mbante ushqim, është bërë e mundur kapja dhe arrestimi i autorëve.
Materialet i kaluan Prokurorisë së Rrethit Gjyqësor Kukës, për veprën penale “Vjedhje e pasurisë mbetur në tentativë, kryer në bashkëpunim”./java/a.k
