Deputeti Ben Blushi, i ndarë zyrtarisht nga Partia Socialiste, teksa ndalet në temën e librave, për të cilën e ironizoi kryeministri Rama ka dhënë një tjetër lajm. Në një postim në profilin e tij në Facebook, Blushi jep lajmin e mirë se do të jetë për publikun së shpejti me dy libra.
“Shume shpejt me dy LIBRA. Njeri per driten tjetri per errësirën”- shkruan deputeti Blushi, kritiku më i ashpër i Ramës sa kohë ishte në PS dhe tashmë jashtë saj.
Replikat e mëparshme
Rama gjatë emisionit “Studio e Hapur” e gazetares Eni Vasili në “News 24”, ironizoi Blushin:
“Meqë ka ikur nga partia mund të thyej heshtjen por për të thënë shumë thjesht, Ben Blushi ka patur dy kryetarë në parti Fatos Nanon dhe mua. Me Fatos Nanon u bë nja tre herë ministër dhe s’bëri asnjë punë. Me mua s’bëri asnjë punë por bëri nja tre libra, romane.
Dhe e vetmja gjë që unë do t’i sugjeroja nëse do kisha mundësi do ishte që tani që është akoma me këtë mllefin atomik ndaj PS-së, të bëjë edhe një libër tjetër, një roman sepse kur të bëjë partinë e tij s’do bëjë më as punë dhe as romane. Kështu mendoj unë për Ben Blushin”, tha Rama.
Replika e Blushit
“Paska folur Edi Rama per romanet e mi! Kur shkrimtaret merren me qente, qente merren me Librat!”- shkruan Blushi në një postim në profilin e tij në Facebook.
ma.me
