Kërkuesja Aradhna Krishna e “Michigan’s Ross School of Business” bashkë me Hao Shen dhe Meng Zhang të “Chinese University” të Hong Kong-ut, zbuluan se të zgjedhësh çfarë të hash duke prekur me duar nëpër tabletat dhe smartphone-t është i dëmshëm për shëndetin
Më thuaj si e bën porosinë e të them sesa shëndetshëm ha. Këtë e pohon një studim i bërë së fundmi nga një ekip ndërkombëtar kërkuesish sipas së cilit të urdhërosh ushqimin nëpërmjet një ekrani me prekje ndikon në zgjedhjen e pjatave. Dhe këtë e paguan shëndeti dhe linjat trupore.
Kërkuesja Aradhna Krishna e “Michigan’s Ross School of Business” bashkë me Hao Shen dhe Meng Zhang të “Chinese University” të Hong Kong-ut, zbuluan se të zgjedhësh çfarë të hash duke prekur me duar nëpër tabletat dhe smartphone-t pjatat bën që ne të përzgjedhim ato të cilat na japin më shumë kënaqësi, kundrejt atyre që janë më të shëndetshme për ne.
Me fjalë të tjera, nëse në ekranin e iPad-it do të na ofrohet një hamburger i shijshëm dhe një sallatë, gishtat tanë do të tradhtojnë qëllimet e mira dhe do të zgjedhin ushqimin e parë, krahasuar me të dytin, raporton shqip.
Sipas kërkuesve, përgjegjës për këtë sjellje është një mekanizëm i njohur si stimuli mental, që na bën të mësohemi me prekjen në ekran me gjestin për të rrëmbyer pjatën më të shijshme.
Lajmi i mirë është se për ta thyer këtë rreth vicioz është e lehtë: mjafton që të ndërveproni me ekranin duke përdorur një laps teknologjik, apo një maus.
Kristina dhe ekipi i saj zhvilluan një test të disa vullnetarë. Studiuesit u kërkuan atyre që të zgjidhnin mes një torte dhe një ëmbëlsire me krem, duke përdorur iPad dhe kompjuterë fiks.
Kush përdori iPad zgjodhi tortën në 95% të rasteve, ëmbëlsirë me mjaft kalori kundrejt 73% të atyre që bënë porosinë me PC dhe maus, shkruan shqip.
Rezultate të ngjashme u arritën duke ripërsëritur testin vetëm me iPad, por duke bërë zgjedhjen me prekje, ose me lapsin teknologjik.
Pra gjithçka vjen nga prekja e pjatës me gishta në ekran.
Studimi do të thotë se kompanitë mund të ndikojnë në zgjedhjet e konsumatorit, pa e kuptuar këta të fundit. Kjo bën që ata t’i nxisin klientët që të konsumojnë ushqime me më shumë kalori, e cila sjell shtimin e peshës.
