Zhvillimi i pandemisë ka sjellë rikthimin e mjaft kufizimeve gjatë lëvizjes mes vendeve të ndryshëm, ku udhëtarët në shumë vende për shkak të rregullave strikte duhet t’i nënshtrohen tamponit.

Edhe pse në bazë të ujdive mes vendeve, masat do të lehtësoheshin, sërish në shumë vende hovi që ka marrë Covid-19 i ka bërë pikat doganore të ngjajnë si të padeportueshme për shkak të kontrolleve masive.

Anglia e prekur rëndë nga Corona, ka qenë një nga vendet me të izoluara për shkak të masave që kanë ndërmarrë vendet e tjera për t’i kontrolluar udhëtimet jashtë edhe hyrjen në vend.

Sipas urdhëresave të qeverisë franceze, qytetarët anglezë mund të udhëtojnë në hapësirën e tyre veç nëse i nënshtrohen tamponit dhe qëndrojnë dy javë në karantinë.

Kjo solli radhë kilometrike në kufi me Francën dhe irritim të udhëtarëve.

Edhe pse përjashtime ka pasur për profesione të rëndësishme për funksionimin e sistemit, personelin mjekësor apo punëtorët në rajone kufitare, sërish gjendja e krijuar ishte kaotike.

E njëjta situatë thuajse është krijuar edhe në Shqipëri prej ditësh në pikat doganore me fqinjin jugor. Pala greke, sipas vendimeve qeveritare nuk lejon udhëtimin në hapësirën e saj pa kryer tamponin. Kjo ka sjellë edhe një situatë kaotike mjaft të rënduar ku mjaft familjarë e kanë gdhirë në makinat e tyre.

Pavarësisht ndërhyrjeve nga ligjvënësit dhe komunikimin me palën fqinje, sërish panorama që të shfaqet në pikat doganore është alarmante. (TemA)