Një ngjarje e rëndë ka ndodhur në Kuçovë, ku një elektricist është rrëzuar nga shtylla gjatë punës së tij në nënstacionin elektrik. Sipas informacionit paraprak nga policia, aksidenti ka ndodhur rreth orës 15:00. Elektricisti, shtetasi V. K., 58 vjeç, dyshohet se ka humbur ekuilibrin dhe është rrëzuar nga shtylla, duke pësuar lëndime.
Menjëherë pas aksidentit, ai është transportuar në spital, ku aktualisht po merr mjekim. Grupi hetimor është në vendngjarje dhe po punon për sqarimin e plotë të rrethanave të ngjarjes. Policia do të vazhdojë hetimet për të përcaktuar shkakun e aksidentit dhe sigurinë në vendin e punës.
Njoftimi i policisë:
Kuçovë/Informacion paraprak
Rreth orës 15:00, tek nënstacioni elektrik në Kuçovë, dyshohet se aksidentalisht, duke punuar, është rrëzuar nga shtylla elektriçisti shtetasi V. K., 58 vjeç, i cili është transportuar në spital, ku po merr mjekim.
Grupi hetimor po punon për sqarimin e rrethanave të ngjarjes.