Vret veten djali i Fidel Castros. Fidel Ángel Castro Diaz-Balart, 68 vjeç, i biri i ish-udhëheqësit të Kubës, u gjet mengjesin e djeshëm i pajetë, raporton BBC.
Ai thuhet se ka vuajtur nga depresioni dhe ne kushte te tilla i ka dhene fund jetes.
Ai ishte një fizikant bërthamor, i trajnuar nga ish-Bashkimi Sovjetik.
“Fidel Castro Diaz-Balart, i cili ishte trajtuar nga një grup mjekësh për disa muaj për shkak të depresionit të thellë, i dha fund jetës”, raportoi gazeta zyrtare e Kubës, Granma.
Televizioni shtetëror tha se ai kishte marrë trajtim mjekësor si një ambulator në muajt e fundit, pas një qëndrimi në spital.
Ai drejtoi programin bërthamor të ishullit nga 1980 në 1992, përpara se të pezullohej pas kolapsit të Bashkimit Sovjetik.
Castro Diaz-Balart erdhi pas marteses së shkurtër të babait të tij me Mirta Diaz-Balart, vajzën e një politikani të shquar para revolucionit.
Familja e nënës se tij mbeti figura më e shquar në komunitetin anti-Kastro në Florida. Kushëriri i tij Mario Diaz-Balart është një kongresmen amerikan.
Babai i tij, Fidel Castro, figurë revolucionare dhe një nga udhëheqësit politikë më të gjatë në botë, vdiq dy vite me pare.
a.ç
