GJKKO vendosi arrest me burg për ish-deputetin socialist Alqi Bllako, por ai nuk është shoqëruar ende në polici. Klan News raporton se akoma nuk dihet vendndodhja e tij.
Nuk ka asnjë njoftim zyrtar nga Policia e Shtetit për shoqërimin e ish-deputetit Alqi Bllako.
Kërkesa për masën e sigurisë u dorëzua gjatë paradites nga Prokuroria e Posaçme bashkë me shkresën e Kuvendit që njoftonte lënien e mandatit nga Bllako dhe rrëzimin kështu të imunitetit.
Ajo u shqyrtua nga gjyqtarja Irena Gjoka, teksa SPAK e akuzon tashmë ish-deputetin për korrupsion. Kuvendi i bëri kërkesë Komisionit Qendror të Zgjedhjeve për zëvendësimin e mandatit të Bllakos.
