Neritan Sejamini thotë se Partia Demokratike nuk ka një problem me mbledhjet që ndodhin në formë “celulash”, por e ka problemin te mungesa e ideve dhe një ekipi të ri.
Ai ka debatuar me Arben Ristanin në emisionin “Të Paekspozuarit” në MCN TV.
Neritan Sejamini: Cila është ideja e re e PD-së? Kjo më intereson mua, nuk më intereson sa vetë ka Këshilli Kombëtar? Kush është ekipi juaj dhe çfarë ide kanë për të ardhmen?
Arben Ristani: Ekipi drejtues, nuk del ekipi po të mos bëheshin këto veprime që janë bërë.
Neritan Sejamini: Nga këta do dalin? Këtu nuk ka asnjë të ri.
Arben Ristani: Duhet të zgjidhen njeherë.
Neritan Sejamini: Ekipi del kur të tjerët japin dorëheqje dhe hapin krahun.
Arben Ristani: Edhe ide, duhet të ulemi…
Neritan Sejamini: Pse çfarë janë idetë, detyra shtëpia? Hajde ulemi çuna dhe gjejmë ca ide. Përderisa po bëni betejë politike, duhet të keni ide.
Arben Ristani: Edhe ideologjia që sapo thamë… Idetë pra përbëjnë ideologjinë. Po flasim për tu kthyer te qeverisja e kufizuar, te tregu i lirë dhe prona.
Armand Shkullaku: Nuk jemi në 2025 që të na thoni programin elektoral.
