Kështu, ministri i jashtëm grek Nikos Kotzias ka mohuar pretendimet e bëra nga Ministri i Jashtëm shqiptar Ditmir Bushati se “të dy vendet i kanë paraqitur një “Jo-letër” Bashkimit Evropian që përfshinte një referencë edhe për pretendimet e komunitetit çam në Shqipëri”.
“Referenca e vetme në atë “jo-letër ishte se çështja nuk është e negociueshme për shtetin grek”, deklaroi Kotzias për “Alpha Radio” ditën e sotme.
Në bazë të kësaj deklarate vihet re fare qartë se çështja çame ka qënë gjithnjë objekt diskutimi në takimet mes dy ministrave të Jashtëm, ndërkohë që tashmë është përfshirë jo vetëm në fjalorin e BE por dhe në axhendën e BE, përmes deklaratës së Komisionerit Hahn.
Lajmin e publikon gazeta më e madhe greke “Ekathimerini” sipas të cilës komuniteti çam në Shqipëri pretendon se pasuria e tyre u konfiskua nga shteti grek, kur ata u dëbuan nga Greqia veriperëndimore gjatë Luftës së Dytë Botërore.
Gazeta shkruan se Athina zyrtare ka hedhur poshtë pretendimet e tyre, duke thënë se ata ishin bashkëpunëtorë të nazistëve, dhe nuk e njohin atë si një çështje. Pavarësisht se Kotzias i ndau në tre kategori çamët, dhe vetëm njëra iudentifikohej si bashkëpuntore, e kundërshtuar fort dhe kjo tezë nga diplomacia shqiptare por dhe komuniteti çam.
ma.me
