Ka rezultuar fatal për një 45-vjeçar nga Fieri kontakti që ka pasur me ujin, teksa ka qenë duke pushur me familjen në plazh. Ngjarja e rëndë ka ndodhur në plazhin e Ksamilit, ku 45-vjeçarji me iniciale A.T ka ndërruar jetë si pasojë e një ataku në zemër.
Mësohet se për një moment ai është ndjerë keq, dhe për këtë arsye familjarët e kanë nisur për në spital, por duket se ka qenë e pamundur për ta shpëtuar pasi ai ka ndërruar jetë në gjysmë të rrugës.
Që kur ka nisur sezoni turistik, ka pasur dhjetëra vdekje, ku disa prej tyre janë mbytur, dhe disa kanë ndërruar jetë për shkak të pakujdesisë, nga kontakti direk me ujin duke mos pasur parasysh këshillat e mjekëve.
“Më datë 26.07.2017, në Ksamil, në një banesë-plazhi, është sëmurur dhe ka vdekur duke u transportuar për në spital i shoqëruar nga familjarët, shtetasi A.T, vjeç 45, banues në Patos Fier. Paraprakisht dyshohet se vdekja ka ardhur si pasojë e shkaqeve natyrale. Punohet për sqarimin e plotë të ngjarjes.”, -njofton policia.
ma.me
