Për Shpend Ahmetin s’mbarojnë akuzat. Çmimi i ngrohjes që po aplikon aktualisht termocentralin “Termokos” në Prishtinë vazhdon të jetë i njëjtë sikurse vitin e kaluar, pavarësisht deklaratës së kryetarit të komunës Shpend Ahmeti, i cili pati premtuar se sivjet ngrohja do të jetë më e lirë se sa vitin e kaluar.
Llogaritet se rreth 12 mijë qytetarë të Prishtinës sa janë të lidhur me termocentralin “Termokos”, do të paguajnë çmimin e njëjtë edhe këtë vit, pavarësisht projektit të koogjenerimit. Aktualisht, çmimi për metër katror i ngrohjes në kryeqytet është 1 euro.
