Ish-deputeti i Partisë Demokratike, Ervin Salianji, krahas pakënaqësive për trajtimin e fituesve të primareve, ka komentuar edhe ambiciet e tij brenda PD-së.
Në “Opinion”, Salianji u ndal tek kryetari i komanduar i PD-së, duke e komentuar me ironi rolin e tij dhe lidhjet e supozuara me ish-kryebashkiakun socialist të Durrësit, Vangjush Dako.
Sipas Salianjit, PD nuk arrin rritje votash për shkak të vendimmarrjeve duke shmangur ata që votohen më shumë dhe dalin fitues në primare.
“Këto janë themele, sepse PD, nuk ka shkuar në këtë numër votash dhe shkon për shkak të këtyre. Prandaj them unë që në kemi probleme me fituesit. Këta që fitojnë i marrim i shmangim dhe themi ky është më atë, ai është më atë. Ata janë njerëz që kanë sakrifikuar duke mos marrë nga PD asgjë”, tha ish-deputeti.
I pyetur nga gazetari Blendi Fevziu nëse synon të kandidojë për një post drejtues në zgjedhjet brenda partisë në prill, Salianji e mohoi. Po ashtu, ai theksoi se problamtikat që ka evidentuar në funksionimin e PD-së, ia ka shprehur dhe Berishës.
“Berisha më ka thënë se do ndryshojmë dhe do e gjejmë zgjidhjen. Nuk flas për takime private, por edhe ato në kryesi. Sa kam folur në çdo mbledhje të kryesisë, i kam thënë këto, i kam thënë në publik”, tha Salianji.
Salianji: Ai është kryetar i komanduar, nuk them pse ai bën biznes me Vangjush Dakon, se ai atë punë ka, beton shet. Po, nuk kam paragjykime unë për këtë, t’i dëgjojmë edhe këta që kanë marrë vota, se nuk janë këta socialistët dhe qenka ky tjetri çik më kështu se e kemi komanduar ne.
Këto janë themele, sepse PD, nuk ka shkuar në këtë numër votash dhe shkon për shkak të këtyre. Prandaj them unë që në kemi probleme me fituesit. Këta që fitojnë i marrim i shmangim dhe themi ky është më atë, ai është më atë. Ata janë njerëz që kanë sakrifikuar duke mos marrë nga PD asgjë.
Fevziu: A do kandidati ju në zgjedhjet e prillit për një nga postet e ardhshme?
Salianji: Nuk është zgjedhje PD. Unë po them që PD duhet të ri formatohet, të ripërtërihet duke vlerësuar ata që kanë kontribut, që i do shoqëria, që kanë ide, jo ata që vijnë nga skutat. Të vendosim kritere dhe unë pasi t’i dëgjoj do vijë sërish këtu. Unë nuk kandidoj për gjë. Nuk është se kam këtë platformë se do kandidoj për kryeministër të Shqipërisë. Unë jam atë që duhet të bëj çdo politikan, të dëgjoj çdo shqetësim të qytetarëve.
Fevziu: A ja keni thënë ju këto shqetësime në takim Berishës?
Salianji: Pse mendoni se e kam thënë një herë e dy herë. Më ka thënë se do ndryshojmë dhe do e gjejmë zgjidhjen. Nuk flas për takime private, por edhe ato në kryesi. Sa kam folur në çdo mbledhje të kryesisë, i kam thënë këto, i kam thënë në publik. Kjo kafja, u bë markë tani, pse u takuan në kafe më këtë.
Fevziu: Ky është mesazh politik, nuk është kafe.
Salianji: U mor vesh që ka një simbolikë, nuk po them që jo. Këtu unë po them që njerëzit që kanë marrë më shumë vota, nuk janë përfillur, e ka simbolikën ajo. Unë po them, pasi ndodhi kjo kafja, numrin e kujt nuk kishin që të telefonin, të pyesnin çfarë shqetësimi ishte që ta diskutojmë. Se ne po ulemi në tryeza, jo unë se nuk i shoh dot me sy për shkak të të gjithë zullumeve që kanë bërë socialistët, a po ulemi ne me ta? Po me ne pse nuk pati shqetësim partia.
