Kryetari i Bashkisë Fatos Tushe, tetë zyrtarë publikë dhe dy biznesmenë janë të akuzuar si të përfshirë në skemën e abuzimit me fondet publike në Bashkinë e Lushnjes.
ABC ka zbardhur deklaratën e prokurorisë përcaktohen edhe akuzat për funksionarët publikë dhe dy administratorë biznesesh.
Me kërkesë të prokurorisë, gjykata ka vendosur arrest me burg për kryetarin e Bashkisë së Lushnjes Fatos Tushe, katër vartës të tij zyrtarë publikë dhe dy biznesmenët ndërkohë që për për katër zyrtarë të tjerë është vendosur masa “arrest shtëpie”.
Konkretisht Tushe akuzohet për veprën penale të “shpërdorimit të detyrës” e kryer në bashkëpunim, ndërkohë që akuzat për të arrestuarit e tjerë lidhen me abuzimin me tenderat publikë.
Flamur Peqini i cilësuar si “koka” e grupit që funksiononte brenda zyrave të Bashkisë, akuzohet se ka shfrytëzuar postin e tij si drejtori i Ndërmarrjes së Publike në Bashkinë Lushnje duke shkelur barazinë e pjesëmarrësve në tendera a ankande publike ABC mëson se një akuzë që rëndon ndaj të dyshuarve si të përfshirë në këtë skemë është abuzimi me tenderin me vlerë 24 mln lekë për një kanal vaditës.
/b.h
