Kryeprokurorja e re e përkohshme Arta Marku është takuar sot me ambasadoren e Holandës në vendin tonë, ku në fokus ka qenë pikërisht reforma e drejtësisë në rritjen e luftës kundër krimit të organizuar dhe korrupsionit në vend. Kjo dhe aspekte të tjera të zbatimit konkret të reformës së drejtësisë ishin tema e diskutimit të takimit të sotëm mes ambasadores holandez Dewi van de Weerd dhe Prokurorit të Përgjithshëm të përkohshëm të ri.
“Gjatë takimit, ambasadorja Van de Weerd tha: “Sundimi i ligjit dhe reforma gjyqësore janë prioritete për ambasadën tonë. Ne ndjekim të gjitha zhvillimet nga afër dhe jemi gati për të ndihmuar“, thuhet në njoftimin e ambasadës, ku në fund e urojnë Markun për postin e ri duke i dhënë edhe një mesazh të rëndësishëm.
“Ne i urojmë znj. Marku sukses në pozitën e saj të re dhe shpresojmë që të shohim edhe më shumë fuqizimin e grave në sektorin e drejtësisë në Shqipëri”, përfundon njoftimi.
