Në kuadër të takimeve zyrtare në kryeqytetet e vendeve të ndryshme të BE, Kryenegociatori i Shqipërisë për aderimin në BE, Zef Mazi, u prit sot ne takim në Pragë dhe zhvilloi bisedime me Ministrin e Jashtëm të Republikës Ceke, z. Jakub Kulhánek dhe me Zëvendës Ministrin e Jashtëm për Cështjet e BE-së, z. Aleš Chmelar.
Kryenegociatori Mazi e njohu ministrin cek me përmbushjen e plotë të kërkesave të Këshillit Evropian të marsit 2020 nga Shqipëria. Ai nenvizoi se Shqipëria jo vetëm i ka plotesuar të gjitha kërkesat, por ajo do vijojë pa ulur aspak ritmin në fushën e reformave. Kjo është në të mirën e vendit dhe popullit shqiptar. Rezultatet janë të prekshme, të rëndësishme, rekordi i tyre vjen në rritje të demonstrueshme qartë për këdo.
Mazi nënvizoi meritat individuale të vendeve, si kriteri bazë vleresues i përcaktuar nga BE. Mospërcaktimi i datës për mbajtjen e Konferencës së parë Ndërqeveritare nga Keshilli Evropian shton lodhjen, rrit mosbesimin dhe ul kredibilitetin e BE-së në sytë e popullit të vendit tonë dhe të tjerëve. Shqipëria pret që BE-ja të marri vendimet e duhura pasi Shqipëria ka plotesuar të gjitha detyrat e shtëpisë dhe po vijon me konsistencë reformat e ndërmarra. Problemet e identitetit dhe ndoshta nacionaliste mes vendeve të tjera nuk duhet të marrin peng rrrugëtimin europian të Shqipërisë.
Ministri i jashtëm çek Kuhlanek vlerësoi gjithë punën e kryer nga Shqipëria në kuadër të integrimit evropian. Per Ministrin cek, Shqipëria duhet të mbajë sa më shpejt konferencën e parë ndërqeveritare. Prioriteti i Cekisë është hapja e bisedimeve teknike të aderimit me Shqipërinë. Sipas Ministrit, Shqipëria ka bërë reforma të qëndrueshme në drejtësi dhe siguri. Republika Çeke do të mbështesë këtë projekt, dhe Shqiperia mund te mbeshtetet tek Cekia. Ministri Kulhanek nenvizoi se Cekia ka pritshmëri të lartë nga Presidenca sllovene, ku Ballkani Perëndimor do të jetë në fokus. Ashtu do jete Ballkani Perndimor edhe per Presidencen ceke negjysmen e yte te vitit 2022. Sipas tij, BE-ja duhet të marrë një vendim për konferencën e parë ndërqeveritare për Shqipërinë. Ky qëndrim u mbajt edhe nga zëvendësministri i jashtëm për çështjet evropiane i cili theksoi se Çekia do të punojë me vendet e tjera të Unionit për të shpejtuar procesin e zgjerimit. Bashkebiseduesit ishin dakord per te gjitha ceshtjet qe lidhen me zgjerimin dhe per menyrat sesi shihet ecuria dhe domosdoshmeria e vijimit te procesit te zgjerimit pa nderprerje.
Midis Shqiperise dhe Republikes Ceke do shtohen marredheniet ne te gjitha fushat. Do shkembehen vizita te ndryshme dypaleshe ne nivele te larta. Kryenegociatori mori nga pala çeke konfirmimin se Shqiperia mund te mbeshtetet te Cekia, dhee Cekia ka qene dhe do jete avokate e Shqiperise ne procesin te zgjerimit.
Kryenegociatori Mazi zhvilloi takime edhe me Komisionin parlamentar cek për cështjet evropiane. Ai u prit nga Kryetari i këtij Komisioni, Ondřej Benešík, dy zevendesat e Komisionit dhe anetare te tjera të Komisioni. Kryenegociatori Mazi vlerësoi rolin e parlamentit cek në cështjen e integrimit të Shqipërisë në BE. Ai theksoi se diplomacia parlamentare mes dy vendeve duhet të forcohet me tej. Ai është instrument i rëndësishëm në procesin e aderimit në BE. Kryenegociatori sugjeroi që mes dy parlamenteve të rritet bashkepunimi, te zhvillohen vizita dyplaëshe. Kryetari i Komisionit z. Benesik vlerësoi punën e bërë nga Shqipëria dhe e cilësoi atë një vend mik që duhet të bashkohet sa më shpejt në familjen evropiane. A ritheksoi mbeshtetjen e Cekise per ecurine sa me shpejt te integrimit te Shqiperise. Deputetët e parlamentit çek vlerësuan reformat e thella transformuese të Shqipërisë.
