Kryeministri turk Ahmet Davutoglu u tha anëtarëve të partisë së tij AKP se ai personalisht urdhëroi të qëllohet avioni rus në kufirin midis Turqisë dhe Sirisë, i cili supozohet të ketë shkelur hapësirën ajrore turke, citojnë mediat e këtij shteti.
Davutoglu tha se kontrolli ajror kishte paralajmëruar drejtuesit e avionit dhjetë herë brenda pesë minutave që të lëshonin territorin turk, por ata kishin injoruar thirrjet.
Pasuesi i Erdoganit në postin e kryeministrit të Turqisë, tha se nuk kanë për qëllim provokimin e raporteve me askënd, por e kanë obligim dhe duhet të respektohet e drejta për të mbrojtur kufijtë e vendit.
Megjithatë, ai më pas shtoi se Rusia është një mik i Turqisë dhe se Ankaraja zyrtare nuk dëshiron që të ndërpresë komunikimin me këtë shtet.
