Kryeministri, Edi Rama, ka reaguar pas deklaratës së PD-së se nuk do të marrë pjesë në zgjedhjen për kryetarin e Bashkisë së Kavajës. Kreu i qeverisë, njëkohësisht edhe i PS, deklaroi se pamvarsisht bojkotit të PD zgjedhjet në Kavajë do të zhvillohen sipas dekretit të nxjerrë nga Presidenti Nishani me 7 maj.
“Keqardhje për PD. Zgjedhjet do të bëhen, Drejtësia do të bëhet. Kriza e PD nuk është dhe nuk do të bëhet kriza e vendit”, ka deklaruar Rama nëpërmjet një postimi në mediat online.
PD nëpërmjet kryetarit të grupit të saj parlamentar, Edi Paloka, deklaroi se nuk do të marrë pjesë në zgjedhjet për kryetar të Bashkisë së Kavajës. Sipas tij, “PD sa të jetë Rama kryeministër nuk do të marrë pjesë në zgjedhje”.
“Zgjedhje me Ramën dhe kriminelë nuk do të ketë. Me Ramën s’ka zgjedhje as me 7 maj e as me ndonjë datë tjetër”, deklaroi Paloka. /javanews.al
ma.me
