Shëndetësia ka qenë objekt debati mes opozitës dhe kryeministrit Edi Rama gjatë seancës së sotme në Kuvend. Kreu i qeverisë ka reaguar në lidhje me akuzat e kryetarit të grupit parlamentarë të PD Edmond Spaho, sipas të cilit shëndetësia ka qenë dhe është objekt babëzie nga ana e qeverisë, sidomos sa i përket hemodializës. Por kreu i qeverisë ka reaguar duke hedhur poshtë këto akuza.
“Shqipëria s’është e imja, por e të gjithëve. Por ju nuk mbani përgjegjësi dhe as doni të mbani përgjegjësi për asgjë, as për ata që ju kanë votuar. Nuk mund të shihni qeverinë e Edi Ramës me objektivitet. Babëzia qeveritare ishte akuza për koncesionet në shëndetësi. Ky është një mashtrim. Qeveria ka bërë gjithshka dhe qytetarët e përfitojnë falas. Nuk mund ta përbaltni shërbimin falas, por të merrni pjesë për domososhmërinë e këtij shërbimi. Ky shërbim është në kushte optimale për të gjithë ata që kanë nevojë për shërbimin e hemodializës. Ne u kemi hequr lakun njerëzve të cilët duhet të vinin në Tiranë të mbajnë dhe rradhë”, reagoi Rama.
ma.me
