Kryeministri ndryshon kreun e Inspektoratit të SHISH, Rafail Milo zëvendëson Blend Çobanin

Ndryshime në kupolën drejtuese të Inspektoriatit të SHISH. Këshilli i Ministrave miratoi të mërkurën vendimin për lirimin nga detyra të Inspektorit të Përgjithshëm të Shërbimit Informativ të Shtetit, Blend Çobani.

Po në këtë mbledhje Qeveria, ka emëruar, Rafail Milo në detyrën e Inspektorit të Përgjithshëm të Shërbimit Informativ të Shtetit.

Vendimi

Në mbështetje të nenit 100 të Kushtetutës dhe të nenit 12, të ligjit nr.8391, datë 28.10.1998, “Për Shërbimin Informativ të Shtetit”, të ndryshuar, me propozimin e Kryeministrit, Këshilli i Ministrave

V E N D O S I:

Z. Blend Çobani, inspektor i Përgjithshëm i Shërbimit Informativ të Shtetit, lirohet nga kjo detyrë.

Z. Rafail Milo emërohet inspektor i Përgjithshëm i Shërbimit Informativ të Shtetit.