Qeveria kosovare e tmerruar nga vendimi i parlamentit. Menjëherë, kreu i ekzekutivit në vend, Isa Mustafa, në mbledhjen që ka mbajtur me kabinetin e tij, ka thënë se shumë shpejt do të riprocedohet amendamenti për ndryshimin e Kushtetutës së Kosovës, që i hapë rrugë themelimit të Gjykatës Speciale. Mustafa ka ripërsëritur se Qeveria dhe institucionet e Kosovës duhet të përmbushin obligimet ndërkombëtare që kanë marrë.
“Në ditët në vijim duhet të punojmë që të riprocedohen në Kuvend amendamenti”, ka thënë Mustafa, teksa ka shtuar se duhet të bashkërendohen qëndrimet me opozitën. Ai ka kujtuar se më parë, një pjesë e opozitarëve kishte premtuar votën pro për Specialen.
