Të gjithë po presin finalen e Euro 2020. Boris Johnson nuk bën përjashtim dhe ka postuar në rrjetet sociale një video inkurajuese për djemtë e Gareth Southgate.
“Tre Luanët” nuk e kanë fituar kurrë Europianin dhe sonte kanë një shans të artë. Përballë Italia e Mancinit, por anglezët luajnë në “Wembley” dhe besojnë te suksesi i madh.
Kryeministri i Anglisë vlerëson ecurinë e kombëtares deri tani, por shpreson që gjithçka do të kurorëzohet me fitimin e trofeut të madh.
“I uroj fat të mbarë Anglisë sonte. Ka qenë një rrugëtim i pabesueshëm deri tani, por të gjithë shpresojmë që mund të shkojë edhe më bukur dhe ta sjellim Kupën në shtëpi sonte“, deklaron Johnson.
/b.h
