Tri armë me leje posedon kryeministri i Maqedonisë, Emil Dimitriev, tregon fleta anketuese e pasurisë së tij, që është paraqitur te komisioni për anti-korrupsion. Sipas këtyre të dhënave, Dimitriev është anëtari më i armatosur i kabinetit qeveritar. Ai posedon një pushkë “Remington” gjysmë automatike, një pushkë gjuetie “Karabin Mauzer” dhe një tjetër të llojit “Bokerica Bajkal”, shkruan “Lajm”. Armën e parë “Remington” Dimitriev e ka blerë 160 mijë denarë, respektivisht rreth 2.600 euro, armën e dytë “Karabin Mauzer” e vitit 1970, 60 mijë denarë, respektivisht një mijë euro dhe armën e tretë llojit “Bokerica Bajkal” të vitit 1990 e ka blerë 20 mijë denarë, respektivisht 350 euro.
