Në një deklaratë për media, Mitsotakis premtoi se qeveria do të kujdeset që të ripyllëzojë të gjitha zonat e djegura nga flakët.
Situata në Greqi konsiderohet kritike në Atikë, zjarret kanë shkaktuar dëme të pallogaritshme duke shkrumbuar jo vetëm pyje por edhe banesa e biznese.
“Ne duhet të vazhdojmë me intensitet të madh përpjekjen për të kufizuar të gjitha zjarret dhe për të mos pasur ndonjë rrezik të ndezjes përsëri,” theksoi ai.
Mitsotakis premtoi reformimin e sistemeve të mbrojtjes nga fatkeqësitë si zjarret, përmbytjet dhe erozioni.
“Përparësia gjatë gjithë këtyre ditëve ishte para së gjithash mbrojtja e jetës njerëzore. Të gjitha zonat e djegura do të konsiderohen të ripyllëzueshme, ne do të ndryshojmë mënyrë për projektet e mbrojtjes, anti-përmbytjet, anti-erozionin por edhe mënyrën se si bëjmë ripyllëzimin”, tha ai./m.j
