Kryeministri i Francës, Mauel Valls ka thënë se ndonëse ai nuk ka mundur të konfirmojë motivet e sulmuesit të Nice, Mohamed Lahouaiej-Bouhele, ka thënë se “ky terrorist ka gjasa të ketë lidhje me islamin radikal në një mënyrë apo tjetër”. Valles i ka thënë France 2 se ai nuk ka asnjë dyshim që krimi në Nice është terrorizëm.
“Është akt terrorist dhe ne duhet të shohim se çfarë lidhjesh mund të ketë me organizatat terorriste”. Ai ka shtuar se numri i të vdekurve mund të rritet, pasi 52 njerëz akoma vazhdojnë të jenë në gjendje kritike, transmeton Gazeta Express. Autoritetet franceze kanë deklaruar se 202 persona janë plagosur.
Kryeministri francez ka paralajmëruar se sulme të tilla si ky në Nice mund të godasin vendin por ka shtuar se “unë jam i bindur se ne do të fitojmë luftën kundër terrorizmit dhe islamit radikal”. Ndërkaq, ministri i Brendshëm i Francës Bernard Cazeneuve, kur është pyetur nëse sulmuesi i Nice kishte lidhje me xhihadizmin ai është përgjigjiur “jo”.
