Ata që kërcënojnë institucionet, plaçkitin dhe djegin nuk do të tolerohen, deklaroi kryeministri francez, Edouard Philippe duke njoftuar një ndryshim të metodës nga forcat e sigurisë kundër vandalëve.
“Ne do të bëjmë siç kemi bërë disa vjet më parë me huliganët nëpër stadiume, të cilët identifikoheshin dhe ndaloheshin të merrnin pjesë në ndeshje’’, theksoi ai.
Kryeministri Philippe ka theksuar se këto metoda do të aplikohen jo “kundër njerëzve që manifestojnë”, por kundër atyre që përfitojnë prej saj.
”Të shtunën e ardhshme kundër jelekverdhëve do të dislokohen në terren 80 000 policë, 5 000 prej tyre në Paris”, theksoi ai.
Kryeministri tha se do të bëjë të ditur edhe një ligj të ri që parashikon kompensimin për dëmet duke mos ua atribuar tatimpaguesve dhe sanksione për organizatorët e ngjarjeve të paautorizuara.
/a.rada
