Kryetarja e LSI-së, Monika Kryemadhi u ka bërë thirrje të fortë strukturave të partisë së saj, të nisin aksionin e gjerë derë me derë në çdo familje shqiptarësh, për të përmbysur Edi Ramën.
“I bëj thirrje të gjithë strukturave të LSI-së në Elbasan të nisim pa ndalim edhe natën e Vitit të Ri dhe Krishtilindjet dhe çdo ditë të zotit, derë më derë, të senbilizojmë socialistët, ti zgjojmë e ta përmbysim këtë klikë kriminale që ka uzurpuar shtetin shqiptar të përmbysim këtë klikë kriminale që po ia merr gjakun shqiptarëve”, tha Kryemadhi
Në një takim me strukturat në Elbasan, Monika Kryemadhi tha se Edi Rama ka uzurpuar jo vetëm PS, por shtetin dhe vendin.
Më tej ajo paralajmëroi Ramën që t’i bëjë llogaritë mirë, se do të ketë o fund të tmerrshëm, o tmerr pa fund.
“Mos mendoni se Rama do ikë vetë, nuk mbaron pilafi në kazan, atë do ta largojmë ne, nuk e largojnë partitë politike por do ta largojnë shqiptarët, dhimbjen nuk e ndjemë ne, as deputetët, por shqiptarët, familjarët.
T’i bëjë llogaritë mirë Rama, se do të ketë o fund të tmerrshëm, o tmerr pa fund. Rama të mendojë mirë, sepse do ta ngrenë zgupthi, jo burrat, por gratë, sepse e kanë ndarë mendjen”– tha kryemadhi.
a.çupaj
