Monika Kryemadhi thotë se sot opozita ka rrëzuar kryeministrin Edi Rama përmes protestës së organizuar. Kryetarja e LSI-së ka paralajmëruar shefin e qeverisë se oponenca do të vazhdojë më tej. Ajo ka alarmuar duke nënvizuar se garda ka përdorur plumba kallçuku dhe gaz lotsjellës.
“Sot ishte vetëm fillimi i reagimit qytetar. Sot protesta e cila kishte më shumë djem dhe vajza, burra dhe gra, se asnjëherë tjetër nga çdo protestë që është bërë më parë, ishte një protestë që rrëzoi Ramën, që i tregoi atij dhe bandave të krimit që nuk është më ai kryeministër.
Frikacaku Rama me 2 mijë karrige ne Vlorë, tentoi të bënte antimitingun, por shqiptarët i dhanë mesazhin më të mirë.
Shqiptarët i treguan Ramës së asnjë armë nuk i tremb ata, ai sot mori mësim se asgjë nuk u tut shqiptarët,.
Ky është vetëm fillimi. Gjithë arsenalit bërthamorë të mbledhë kundër popullit, nuk e mund dot. Nuk është nga ata burra që mund popullin e tij.
Sot filloi rrëzimi i botës së krimit që përfaqëson pushteti i tij. ditë më të ethshme do të vijnë për Ramën, dhe më të bukura për popullin.
Me dorë në zemër ju falënderoj për protestën paqësorë, që nuk u bënë pre as e gardistëve dhe as policëve të Ramës. Ta çojmë deri në fund këtë rrugë që kemi nisur“- tha Kryemadhi.
/a.meta
