Kryetarja e LSI Monika Kryemadhi nga Fieri u ka kërkuar falje qytetarëve duke thënë se kanë bërë gabime. Pas kësaj “mea-culpa” ajo nuk i ka ndalur akuzat ndaj qeverisë ku ka filluar me taksat, duke thënë se prej tyre është shkatërruar turizmi popullor. Sipas saj strukturat e shtetit janë kthyer si një kasap ndaj njerëzve.
“U kërkojmë falje qytetarëve se kemi bërë gabime. Pylli i Semanit një përrallë. Politika me indiferencës e saj i ka shkatërruar. Premtimet e ramën për 300 mijë vende punë. shqipëria i ka pasur mundësitë për ti krijuar.
Rama thoshte se do bënte zhvillime në infrastukturë, do kemi turizëm elitar dhe popullor. Por në fakt me ngritjen e taksave e ka shkatërruar dhe atë pak turizëm që ishte. Turizmi popullor është rrënuar nga taksat. Paratë e premtuara për investime në bujqësi kanë shkuar për fasada.
Strukturat e shtetit janë kthyer si një kasap ndaj njerëzve. Shteti duhet të jetë partner me biznesin dhe qytetarin. Mjafton të hedhësh një vëmendje për të parë. Të gjithë bëhemi bashkë pavarësisht seksit dhe zonave nga vijmë secili nga ne dëshiron të shohë fëmijët të rriten. Bashkë me Kejdin kemi shëtitur në shumë fshatra të Fierit. Një nga problemet më të mëdha që kanë sot njerëzit është mungesa e punës dhe ekonomisë.
Rama gjeti kohë të shkojë me charter në Liban por jo të shkojë deri te naftëtarët në Ballsh. 3 ditë ia uli çmimin naftës për të gjithë fëmerët dhe të mendojë për naftëtarët e Ballshit që janë prej ditësh në grevë. Lista e dështimeve e mashtrimeve të Ramës është më e madhe se çdokush tjetër. Kemi nevojë për të rinj dhe të reja për burra dhe gra. një prej tyre është Keidi. Ajo është më e aftë se i gjithë kabineti i Ramës“, tha ajo.
Në fund e ka mbyllur duke thënë se më 25 prill kryeministri do të marrë një goditje “dërrmuese”, që siç shton ajo të mos i shkojë më në mendje njeriu që të bëhet “fenomeni Rama“.
“Më 25 prill do marrë fund aksidenti Rama. Do jetë një goditje dërrmuese që të mos i shkojë më në mendje njeriu që të bëhet fenomeni Rama. Është verdikti i popullit që dënon me votë çdo politikan. Në 25 prill jo vetëm në dërmenas por në çdo lidhje të flsini me të afërmit flisni të votoni çdo forcë politike që përfaqëson ata por jo Ramën. Kanë ngelur më pak se 6 muaj, ikin ditët menjëherë“, shtoi Kryemadhi.
/e.rr