Kryeministri Edi Rama gjatë fjalës që mbajti në Asamblenë e Partisë Socialiste, kritikoi ish punonjësit e administratës në sektorë të ndryshëm, shigjetime që edhe pse jo në mënyrë të drejtpërdrejt i drejtoheshin Lëvizjes Socialiste për Integrim. Ndërkohë po kështu kritikoi edhe burgjet, sektorin që ka qenë nën drejtimin e LSI-së kur dy forcat politike ishin në koalicionin qeverisës që u thye para zgjedhjeve të 25 qershorit 2015, dhe që i dha pushtetin më vete Ramës, duke çuar LSI-në në opozitë.
I menjëhershëm ka qenë reagimi i kryetares së Lëvizjes Socialiste për Integrim Monika Kryemadhi, e cila nga Progradeci i dha përgjigje këtij pretendimi të kreut të qeverisë.
“Kriminelët që Edi Rama ka zgjedhur për t’i pasur në krah nuk kanë për ta mbrojtur dot. Epoka e sundimit të krimit të organizuar do të marrë fund. Më mirë të kesh një infermiere, një këngëtar, një mësues, një shtëpiake, një pensionist dhe një të papunë për ta pasur në krah, se sa një vrasës, një tutor prostitutash, një trafikant armësh apo trafikant droge që po drogojnë fëmijët e Shqipërisë. Eshtë më e ndershme të kesh një të papunë ta kesh shok e mik, të rrish e të punosh me ta, se sa të jetosh me kriminelët që Edi Rama ka zgjedhur për të drejtuar Shqipërinë. Edi Rama mund të qeverisë shtëpinë e tij me kriminelët, por Shqipërinë jo”, – u shpreh Kryemadhi gjatë një takimi me strukturat e LSI-së në Pogradec.
